"Бөтөн синыф менән – "Аманат"ҡа!" акцияһына ярашлы мәктәптең һәр синыфын “Аманат” журналының рәхмәт кәлимәһе биҙәп торасаҡ. Шулай уҡ хөрмәтле педагогтарға - үҙен оҫта ойоштороусы тип танытҡан урыҫ теле һәм әҙәбиәте уҡытыусыһы Элита Риф ҡыҙы Ғөбәйҙуллинаға, башҡорт рухлы, эшлекле етәксе, мәктәп директоры Таңсулпан Фәрит ҡыҙы Рәхмәтуллинаға - рәхмәт кәлимәләрен ҡыуанып тапшырабыҙ.
Журнал редакцияһы үткәргән “Тотош мәктәп менән – “Аманат””ҡа!” конкурсы шарттары буйынса “Аманат”лы сәғәт тә – Йөҙимәнгә!
Билдәле артистар - ди-джей “Бейеш” Илнур Асаинов менән йырсы Линар Вәлиев (Белый) - ҡатнашлығында “Аманат” дискотекаһын юғары кимәлдә ойоштороп, журналға яҙылыусы балаларға оло байрам бүләк итеүҙәре өсөн берҙәм, татыу Йөҙимән мәктәбе коллективына сикһеҙ рәхмәтлебеҙ!
Афарин! Йөҙимәндәр һынатмай!