“Аманат”тың сентябрь һанында ниндәй мәҡәләләр бар?

“Тиҫтерҙәрең ижады” рубрикаһында “Башҡортостан беҙҙән башлана” шиғриәт бәйгеһендә яҡын дуҫтарыбыҙ Бөрйән районы Әбделмәмбәт мәктәбе уҡыусылары майҙан тота. “Ижад ҡомары” сәсмә әҫәрҙәр конкурсында Бөрйән районының Тимер мәктәбенән Айгүзәл Яубаҫарованың һәм Әбйәлил районының Рауил мәктәбенән Руслан Юнысбаевтың әкиәттәре урын алған. “Билдәле шәхестәрҙең бала сағы” рубрикаһында был юлы – Рәсәйҙең иң көслө кешеһе Эльбрус Ниғмәтуллин. Уның менән һеҙҙе хәбәрсе Зөбәржәт Яҡупова таныштыра. “Башҡорт тарихы”нда Азат Юлан башҡорт халҡында балаҫ һуғыу кәсебе тураһында бәйән итә. Әҙәбиәт һөйөүсе дуҫтарыбыҙҙы ла онотманыҡ. Зәкирйән Ҡолтаевтың “Яҡшының яманды еңгәне” исемле шиғри әкиәте, Әлиә Саматованың “Тел асҡысы” һәм Әнисә Зарипованың “Ғүмерлек һабаҡ” тигән хикәйәләре лә күңелегеҙгә хуш килер, тигән өмөттәбеҙ. “Аманат” йондоҙлоғо”нда – үҙ йырҙары менән сығыш яһаусы Арыҫлан Хәйбуллин. Уның менән баш мөхәррир урынбаҫары Даян Мәжитов әңгәмәләшә.

Чех Республикаһында йәшәүсе милләттәшебеҙ Миләүшә Годбодь сит илдәге тиҫтерҙәрегеҙҙең мәктәп тормошо тураһында бәйән итә. “Оҫтахана” рубрикаһында Юлиә Алғышаева – брошка канзаши, ә Даян ағайығыҙ яндың керешен яһарға өйрәтә. Шулай уҡ “Ай, һылыу!”, “Хат-хәбәр”, “Тәбиғәткә – асыҡ тәҙрә”, “Мәңгелек сер”, “Аманат” энциклопедияһы”, “Игеҙәктәр – ғаиләлә биҙәктәр”, “Мөғжизәле донъя” һ.б. рубрикалар күңелегеҙгә хуш килер, моғайын.

Дуҫтар! “Аманат”ҡа яҙылырға онотмағыҙ! Бергә булдыҡ, киләсәктә лә бергә ҡалайыҡ! 6 айға яҙылыу хаҡы – 338 һум 40 тин, бер йылға – 605 һум 57 тин.