-17 °С
Болотло
75 лет Победы
Бөтә яңылыҡтар
Мәғлүмәт
8 Ноябрь 2018, 03:29

Биш йәшлек Рамаҙан Радий Хәбировтан бүләк алған

Әбйәлил районының Йәнекәй ауылынан Рамаҙан Хызыров Башҡортостан етәксеһенән ниндәй бүләктәр алған, тип уйлайһығыҙ?

Әбйәлил районының Йәнекәй ауылынан биш йәшлек Рамаҙан Хызыров Башҡортостан Башлығы вазифаһын ваҡытлыса башҡарыусы Радий Хәбировтан бүләктәр алды.


Малайҙың әсәһе Әлиә Хызырова һөйләүенсә, төбәк башлығының кортежы уларҙың өйө алдына килеп туҡтаған мәлдә Рамаҙан урамда йөрөгән. Радий Хәбиров уның янына килеп, исемен, ҡайҙан икәнлеген һораша башлаған. Аҙаҡ әсәһе асыҡлауынса, малай таныш булмаған ағайҙан “Киндер сюрприз” һатып алыуын үтенгән.
Бер нисә көн элек Рамаҙанға яңы танышынан бүләктәр алып килделәр. Радий Хәбиров үҙенең ҡултамғаһы менән уларҙың бергә төшкән фотоһын, конструктор, ә уның өс йәшлек һеңлеһенә ҡурсаҡ ебәргән. Сабыйҙар бүләктәргә бик ҡыуанған, ә республика етәксеһе менән икеһенең фотоһы өй түрендә урын алған.
Хәҙер Рамаҙан “Кем булырға теләйһең?” тигән һорауға “Президент!” тип ғорур яуаплай.