+17 °С
Болотло
75 лет Победы
Бөтә яңылыҡтар
Мәғлүмәт
12 Ноябрь 2018, 04:30

Радий Хәбиров Дыуанда ике мәктәп һалдыра

2020 йылда райондың ике ауылында балалар заманса, уңайлы мәктәпкә уҡырға барасаҡ

Тағы ике йылдан Дыуан районында ике яңы мәктәп барлыҡҡа киләсәк. Береһе – райондағы иң ҙур ауылдарҙың береһе Таҫтүбәлә. Унда үткән быуаттың 70-се йылдары башында төҙөлгән мәктәптә әле 150-ләп бала белем ала.


Таҫтүбә мәктәбенең бер өлөшө авария хәлендә тип танылған. Тәү ҡарашҡа ла унда балаларҙы артабан уҡытыуҙың хәүефле икәне күренә.
Башҡортостан етәксеһе Радий Хәбиров төньяҡ-көнсығыш райондарға эш сәфәре барышында был мәсьәләгә етди иғтибар бирҙе, Дыуан районы хакимиәте башлығы Фаил Мөхәмәҙиевкә эште оҙаҡҡа һуҙмаҫҡа ҡушты.
– Ауыл балалары 2020 йылдың 1 сентярендә заманса, уңайлы мәктәпкә аяҡ баҫһын өсөн Таҫтүбәлә яңы белем усағы һалыуҙы республика адреслы инвестиция программаһына индерербеҙ, — тине Радий Фәрит улы.
– Беҙҙең балалар спорт менән әүҙем шөғөлләнә, өлгәш күрһәткестәре лә яҡшы. Сығарылыш уҡыусыларының яртыһынан ашыуы юғары уҡыу йорто студенты булып китә, ләкин, үкенескә күрә, төп өлөшө ҡалала төпләнә, — ти Таҫтүбә мәктәбе директоры Елена Иванова.
– Бәлки, яңы мәктәп йәштәрҙең ауылға ҡайтыуына булышлыҡ итер, – тигән фекер ҙә белдерҙе Радий Хәбиров.
Озеро ауылындағы белем усағы тағы ла хөртөрәк хәлдә. Ул Һикәяҙ урта мәктәбенең филиалы тип һанала. Бинаһы уҙған быуаттың 60-сы йылдарында төҙөлгән. Ошо ваҡыт эсендә иҙәне, түбәһе ҡот осҡос хәлгә килгән, спорт залы ла ҡарағыһыҙ.
Был бина ла авария хәлендә һәм уҡытыу өсөн яраҡһыҙ тип табылған. Етәксеһе Татьяна Галстян Радий Хәбировтан яңы мәктәп төҙөү мәсьәләһендә ярҙам һораны. Төбәк башлығы педагогтар менән аралашҡандан һуң үтенестәрен хупланы һәм ошо Озерола мәктәп төҙөүҙе республика адреслы инвестиция программаһына индерергә ҡушты.
Читайте нас в