-18 °С
Болотло
75 лет Победы
Бөтә яңылыҡтар
Мәғлүмәт
26 Ноябрь 2018, 18:28

Радий Хәбиров ғаиләгә ярҙамды тиҙләтергә ҡушты

Биш йәшлек малай менән ун бер йәшлек ҡыҙ юлдағы һәләкәт арҡаһында үкһеҙ етем ҡалған...

Үткән аҙнала Ҡариҙел районында булған юл-транспорт фажиғәһе алты кешенең, шул иҫәптән ике бала тәрбиәләгән ҡатындың ғүмерен өҙгәйне. Бөгөн республика Хөкүмәтендәге кәңәшмәлә Ғәҙәттән тыш хәлдәр буйынса дәүләт комитеты рәйесе Фәрит Ғүмәров ошо хаҡта мәғлүмәт бирҙе.


— Һәләк булған ҡатындың биш йәшлек улы менән ун бер йәшлек ҡыҙы үкһеҙ етем ҡалды. Уларҙың атаһы быйыл августа ғына яҡты донъя менән хушлашҡан. Шуға ла республика Хөкүмәтенә ошо ғаиләгә финанс ярҙамы күрһәтеү хаҡында тәҡдим индерҙек, — тине Фәрит Ғүмәров.
Башҡортостан Башлығы вазифаһын ваҡытлыса башҡарыусы Радий Хәбиров әлеге хәлде контролгә алырға ҡушты. "Мөмкин тиклем тиҙерәк ярҙам күрһәтеүегеҙҙе һорайым", — тине ул яуаплы етәкселәргә һәм етем ҡалған балаларҙың артабанғы яҙмышы менән ҡыҙыҡһынды. Фәрит Ғүмәровтың һүҙҙәренсә, был ҡыҙ менән малайҙы аталарының Ҡариҙел районындағы Магинск ауылында йәшәүсе апаһы тәрбиәгә аласаҡ.