-17 °С
Болотло
75 лет Победы
Бөтә яңылыҡтар
Мәғлүмәт
18 Декабрь 2018, 15:55

Күп балалыларға түләү икеләтә арттырыла

2019 йылда улар торлаҡ алһын өсөн ҡаҙнанан 500 миллион һум бүленергә тейеш

Республикабыҙҙа биш һәм унан да күберәк бәлиғ булмаған бала тәрбиәләүсе ғаиләләргә торлаҡ алыу өсөн аҡса ике тапҡырға күберәк бүленәсәк. 2019 йылда был маҡсатҡа 500 миллион һум аҡса йүнәлтелергә тейеш.


Республика Башлығы вазифаһын ваҡытлыса башҡарыусы Радий Хәбировтың Дәүләт Йыйылышы – Ҡоролтайға Мөрәжәғәтнамәһендә белдереүенсә, Ғаилә йылы программаһына ярашлы төбәктә “Балалыҡтың ун йыллығы” проекты уңышлы эшләй. Ул демографик хәлде яҡшыртыуға, ғаилә сәйәсәтен нығытыуға, балалыҡҡа һәм әсәлеккә ярҙамлашыуға йүнәлтелгән. Балалар баҡсалары, мәктәптәр, дауаханалар төҙөү әүҙем дауам итәсәк.