-17 °С
Болотло
75 лет Победы
Бөтә яңылыҡтар
Мәғлүмәт
18 Декабрь 2018, 16:05

Мортаза Рәхимовты күреп, халыҡ ихлас ҡыуанды

"Мортаза Ғөбәйҙулла улы ауыр, һынылышлы йылдарҙа республиканы һаҡлап ҡалды һәм нығытты", – тине Радий Хәбиров

Башҡортостан Башлығы вазифаһын ваҡытлыса башҡарыусы Радий Хәбиров “Торатау” конгресс-холында Дәүләт Йыйылышы – Ҡоролтайға Мөрәжәғәтнамә менән сығыш яһағанда залда ултырыусылар араһында республикабыҙҙың тәүге Президенты Мортаза Рәхимов та бар ине.

– Төбәктә власть законға ярашлы һәм демократик шарттарҙа алмашына. Үҙемдән алда эшләгәндәргә хөрмәт белдерәм. Айырыуса – өлкән быуынға. Бөгөн был залда беҙҙең менән Башҡортостандың тәүге Президенты Мортаза Рәхимов та бар. Ауыр, һынылышлы йылдарҙа ул республиканы һаҡлап ҡалды һәм нығытты. Мин уны бик тәрән хөрмәт итәм. Рәхмәт Һеҙгә, Мортаза Ғөбәйҙулла улы, – тине Радий Фәрит улы.

Тантанала ҡатнашыусылар Башҡортостандың элекке етәксеһен аяғүрә тороп алҡышланы.