Бөтә яңылыҡтар
Мәғлүмәт
20 Декабрь 2018, 10:52

"Яңы йыл шыршыһы" 780 баланы йыя

Быйыл кескәйҙәргә «Киреһенсә Яңы йыл» тигән тамаша әҙерләгәндәр

Иртәгә Өфөләге «Башҡортостан» дәүләт концерт залында "Яңы йыл шыршыһы" була. Республиканың төп шыршыһына «Киреһенсә Яңы йыл» тигән тамаша әҙерләгәндәр.


Йола буйынса, байрамға 780 бала — уҡыу алдынғылары, олимпиада һәм спорт ярыштары еңеүселәре, художестволы үҙешмәкәрлек фестивалдәре лауреаттары — килә, тип хәбәр итә "Башинформ" мәғлүмәт агентлығы.
Балаларҙы шат клоундар, шыршы тирәләй флешмоб, яңы йыл фотозоналары, күләмле декорациялар, сағыу костюмдар, 3D-проекция, үҙенсәлекле байрам тамашаһы көтә, ти Башҡортостан Мәҙәниәт министрлығының матбуғат хеҙмәте.
«Киреһенсә Яңы йыл» тамашаһы 2019 йылдың 7 ғинуарына көн һайын тиклем бара.