Бөтә яңылыҡтар
Мәғлүмәт
28 Ғинуар 2019, 15:17

“Салют” шифаханаһы урынына – мөмкинлектәре сикләнгән балалар өсөн реабилетация үҙәге

Радий Хәбиров “Салют” шифаханаһы базаһында мөмкинлектәре сикләнгән балалар өсөн яңы реабилетация үҙәге асырға тәҡдим итте.

Олег Яровиков фотоһы
Олег Яровиков фотоһы

Бөгөн иртәнге кәңәшмәлә Республика башлығы вазифаһын ваҡытлыса башҡарыусы Радий Хәбиров “Салют” шифаханаһы базаһында мөмкинлектәре сикләнгән балалар өсөн яңы реабилетация үҙәге асырға тәҡдим итте.

“Был үҙәктә балаларға һаулыҡты нығытыу өсөн бөтөн мөмкинлектәр бар: асыҡ һауала йөрөйөм тиһәң - эргәлә генә парк, ҡул һуҙымы ғына ерҙә республика балалар дауаханаһы, перинаталь үҙәк, 22-се һанлы дауахана һәм башҡа медицина учреждениелары урынлашҡан. Яҡын киләсәктә бында 100 стационар урын, тағы ла 20 урынлыҡ бәләкәй ҡунаҡхана ҡаралған. Бынан тыш көндөҙ реабилетация үҙәгенә 250 бала килеп, һаулығын нығыта ала, - ти республика Хөкүмәте вице-премьеры вазифаһын башҡарыусы Ленара Иванова. – Был эш өс этаптан торасаҡ. Тәүҙә бинаға капиталь ремонт эшләргә кәрәк, шул саҡта балалар әҙләп булһа ла килеп, төрлө медицина ярҙамы ала башлаясаҡ. Киләһе йылда стационар бүлекте яйға һалғанда, аҙаҡ мөмкинлектәре сикләнгән балаларҙы уҡытыу үҙәген төҙөү планға индерелгән.”

Әгәр ошо маҡсаттар бойомға ашһа, киләсәктә Башҡортостанда мөмкинлектәре сикләнгән балалар өсөн даими финансланған күп фунциялы реабилетация-уҡытыу үҙәге буласаҡ.

Читайте нас в