+12 °С
Ямғыр
Бөтә яңылыҡтар
Мәғлүмәт
10 Май 2019, 16:13
"Мәғариф" милли проекты: белем сифатлы булһын
Рәсәй Федерацияһы Президенты Владимир Путин тарафынан тәҡдим ителгән милли проекттарҙың барыһы ла ил халҡының тормошон яҡшыртыуға йүнәлтелгән.
Улар араһында “Мәғариф” милли проекты айырым урын алып тора. Уға ярашлы, 2024 йылға тиклем белем биреү өлкәһен үҫтереүгә 747 миллиард һумдан ашыу аҡса бүлеү ҡаралған. Быйыл был сумманың 116 миллиард һумы, 2020 йылда тағы 132 миллиард һумы проектта ҡаралған эштәргә йүнәлтеләсәк.
“Мәғариф” милли проектының төп маҡсаты – Рәсәй мәғарифының көнәркәшлеген тәьмин итеү, белем биреү сифаты буйынса донъяның иң алдынғы ун иле араһына инеү. Шул уҡ ваҡытта Рәсәй халыҡтарының рухи-әхлаҡи ҡиммәттәре, тарихи һәм милли-мәҙәни традициялары нигеҙендә гармониялы үҫешкән, социаль йәһәттән яуаплылыҡ тойған шәхес тәрбиәләргә бурыслыбыҙ”, – тип билдәләне ил Президенты Владимир Путин.
Бында һүҙ ил күләмендә белем биреү системаһын яңы баҫҡысҡа күтәреү, мәктәптәрҙә, балалар баҡсаларында тейешле шарттар булдырыу хаҡында ла бара. Йылы мәктәп автобустары, биналарҙа температура режимын һаҡлау, уңайлы бәҙрәфтәр, бер сменала уҡыу – былар барыһы ла сифатлы белем алыуҙы тәшкил итеүсе талаптар.
Мәҫәлән, республикабыҙҙа 2021 йылға тиклем барлыҡ бәләкәстәр, шул иҫәптән ясли йәшендәгеләр ҙә, баҡсаға йөрөһөн өсөн ике йыл дауамында балалар баҡсаларында 10 меңгә яҡын өҫтәмә урын булдырыу бурысы тора. Ә инде бер сменала уҡытыуға тулыһынса күсеүҙе 2025 йылға тамамлау күҙаллана.
#национальныепроекты; #нацпроекты; #региональныепроекты; #регпроекты; #нацпроектыБашкортостан; #ВладимирПутин
Фото: edu.gov.ru
Автор: Г. ЯҠШЫҒОЛОВА
Читайте нас:
© 2008-2024 «Аманат» Республика балалар-үҫмерҙәр журналының сайты. Сайт Республиканского детско-юношеского журнала «Аманат». Ойоштороусылары: Башҡортостан Республикаһының Матбуғат һәм киң мәғлүмәт саралары буйынса агентлығы; Башҡортостан Республикаһының "Республика Башкортостан" нәшриәт йорто дәүләт унитар предприятиеһы. Учредители: Агентство по печати и средствам массовой информации Республики Башкортостан; Государственное унитарное предприятие Республики Башкортостан Издательский дом "Республика Башкортостан".
Телефон
8 (347) 246-31-05
Электрон почта
Адресы
450079, Республика Башкортостан, г. Уфа, ул. 50-летия Октября, 13, 7 этаж
Редакция
8 (347) 246-31-05
Ҡабул итеү бүлмәһе
8 (347) 246-31-05