-7 °С
Ҡар
Бөтә яңылыҡтар
Мәғлүмәт
14 Июнь 2019, 20:17
Өфөлә йәшәүселәрҙе «Евразия йөрәге»ндә донъя кимәлендәге уникаль пиротехник шоу көтә
14 июндә «Евразия йөрәге» халыҡ-ара сәнғәт фестивале барышында республиканың 100 йыллығы уңайынан «Алға, Башҡортостан!» концерты була, ул уникаль пиротехник шоу менән тамамлана.
Ҡала күген Башҡортостандың милли флагы төҫөндәге меңдәрсә ут биҙәй. Ун бер меңгә яҡын залп бирелә, ә фейерверктарҙың бейеклеге 150 метр була. Сәхнәгә яҡын торғандарҙың «Өфө» тигән яҙыуҙы ла күреү мөмкинлеге бар.
Байрам фейерверкын ойоштороусылар бөтә донъяла 8 меңдән ашыу шоу үткәргән. Улар иҫәбендә — Беренсе Европа уйындарын асыу һәм ябыу тантаналары, «Яңы тулҡын» халыҡ-ара йәш башҡарыусылар конкурсы, «Евровидение» йыр конкурсы, «Формула-1»-ҙең Гран-прийы.
Шоуға әҙерләнеүгә һәм ҡорамалды монтажлауға бәйле 13 июндән Салауат Юлаев һәйкәле майҙанының уң яғы ябылды. 14 июндә киске сәғәт 7-нән 12-се яртыға тиклем майҙанға инергә ярамай.
14 июндә фестиваль сәхнәһендә эстрада йондоҙҙары Элвин Грей/Радик Юлъяҡшин, Анжелика Якусева, Софья Бугера, Рушана Вәлиева, РНТ, Наҙгөл Отузова, «Пицца», «Бүреләр», «Zaman» (Мәскәү) төркөмдәре сығыш яһай. Тамашасылар шулай уҡ Линар Дәүләтбаев етәкселегендәге Милли халыҡ уйын ҡоралдары оркестрының Роберт Юлдашев һәм уның «Ҡурайсы» төркөмө менән берлектәге сығышын ҡарай ала. Кисәнең хедлайнеры — Рәсәй эстрадаһы йондоҙо Алһыу.
Читайте нас:
© 2008-2024 «Аманат» Республика балалар-үҫмерҙәр журналының сайты. Сайт Республиканского детско-юношеского журнала «Аманат». Ойоштороусылары: Башҡортостан Республикаһының Матбуғат һәм киң мәғлүмәт саралары буйынса агентлығы; Башҡортостан Республикаһының "Республика Башкортостан" нәшриәт йорто дәүләт унитар предприятиеһы. Учредители: Агентство по печати и средствам массовой информации Республики Башкортостан; Государственное унитарное предприятие Республики Башкортостан Издательский дом "Республика Башкортостан".
Телефон
8 (347) 246-31-05
Электрон почта
Адресы
450079, Республика Башкортостан, г. Уфа, ул. 50-летия Октября, 13, 7 этаж
Редакция
8 (347) 246-31-05
Ҡабул итеү бүлмәһе
8 (347) 246-31-05