-5 °С
Ҡар
Бөтә яңылыҡтар
Мәғлүмәт
13 Сентябрь 2019, 19:05
Александр Галибин «Һеңлекәш» фильмы өсөн «Алтын Феникс» кинофестивалендә махсус бүләк алды
Награда «йәш актерҙар менән виртуоз эш һәм фильмдың әҙәби нигеҙенә һаҡсыл мөнәсәбәт өсөн» тапшырылды, тип хәбәр иттеләр Мостай Кәрим исемендәге фондтан.
«Һеңлекәш» фильмы режиссеры Александр Галибин XII «Алтын Феникс» Бөтә Рәсәй актерҙар һәм режиссерҙар кинофестивалендә актер Анатолий Папанов исемендәге махсус бүләккә лайыҡ булды. Награда «йәш актерҙар менән виртуоз эш һәм фильмдың әҙәби нигеҙенә һаҡсыл мөнәсәбәт өсөн» тапшырылды, тип хәбәр иттеләр Мостай Кәрим исемендәге фондтан.
«Алтын Феникс» кинофестивале 7-11 сентябрҙә Смоленскиҙа уҙҙы. Уның барышында 20-нән ашыу тулы һәм ҡыҫҡа метражлы фильмдар күрһәтелде. Конкурс программаһында 19 кинотаҫма ҡатнашты.
«Алтын Феникс» — донъяла конкурс программаһында кино индустрияһының башҡа һөнәрҙәрендә (актерҙар, сценаристар, операторҙар, композиторҙар) үҙҙәрен тапҡан режиссерҙарҙың эштәре ҡатнашҡан берҙән-бер кинофорум. Кинофестиваль Рәсәй Федерацияһының Мәҙәниәт министрлығы, Рәсәйҙең Кинорежиссерҙар гильдияһы, Смоленск өлкәһе һәм Смоленск ҡалаһы хакимиәттәре булышлығында бара.
«Һеңлекәш» хәрби драмаһы Мостай Кәримдең «Беҙҙең өйҙөң йәме» повесына нигеҙләнгән. Фильмды Рәсәй Федерацияһының Мәҙәниәт министрлығы һәм Мостай Кәрим исемендәге фонд булышлығында «Мотор Фильм Студия» кинокомпанияһы төшөргән. 19 сентябрҙә картина ҙур экранға сыға. Премьера Башҡортостандың халыҡ шағирының тыуыуына 100 йыллығына арналған. Кинотаҫманың прокаты менән Walt Disney компанияһы шөғөлләнә.
Читайте нас:
© 2008-2024 «Аманат» Республика балалар-үҫмерҙәр журналының сайты. Сайт Республиканского детско-юношеского журнала «Аманат». Ойоштороусылары: Башҡортостан Республикаһының Матбуғат һәм киң мәғлүмәт саралары буйынса агентлығы; Башҡортостан Республикаһының "Республика Башкортостан" нәшриәт йорто дәүләт унитар предприятиеһы. Учредители: Агентство по печати и средствам массовой информации Республики Башкортостан; Государственное унитарное предприятие Республики Башкортостан Издательский дом "Республика Башкортостан".
Телефон
8 (347) 246-31-05
Электрон почта
Адресы
450079, Республика Башкортостан, г. Уфа, ул. 50-летия Октября, 13, 7 этаж
Редакция
8 (347) 246-31-05
Ҡабул итеү бүлмәһе
8 (347) 246-31-05