Бөтә яңылыҡтар
Мәғлүмәт
20 Сентябрь 2019, 14:02

Өфөлә 2-се Башҡорт лицейына яҙыусы Ғәли Ибраһимовтың исеме бирелде

Радий Хәбиров ҡул ҡуйған тейешле ҡарар Башҡортостан Республикаһының рәсми хоҡуҡи мәғлүмәт порталында баҫылған.

Өфө ҡалаһының 2-се Башҡорт лицейына күренекле башҡорт яҙыусыһы Ғәли Ғизетдин улы Ибраһимовтың исеме бирелде. Радий Хәбиров ҡул ҡуйған тейешле ҡарар Башҡортостан Республикаһының рәсми хоҡуҡи мәғлүмәт порталында баҫылған.
Документҡа ярашлы, лицей биләмәһендә ҡыҙҙары Һөйөклө Ибраһимова һәм Гүзәл Корнилаева-Ибраһимова аҡсаһына Ғәли Ибраһимовтың бюсы ҡуйыла.
Ғәли Ибраһимов (1919 — 1989) — башҡорт яҙыусыһы һәм шағир, педагог, Бөйөк Ватан һуғышында ҡатнашыусы. Инглиз теле уҡытыусыһы, журналист, «Ағиҙел» журналының баш мөхәррир урынбаҫары. Рәсәй Федерацияһының атҡаҙанған мәҙәниәт хеҙмәткәре. Төп әҫәре — «Кинйә» романы өсөн яҙыусы Салауат Юлаев исемендәге дәүләт премияһына лайыҡ булған. Роман буйынса режисер Әмир Абдразаҡов күп сериялы нәфис фильм төшөргән.