-18 °С
Болотло
75 лет Победы
Бөтә яңылыҡтар
Мәғлүмәт
14 Март 2020, 17:19

Рәзилә Ырыҫҡужина уҡыусыларға "Аманат" журналына подписка бүләк итте

Рәзилә Ишбулды ҡыҙының “Аманат” журналында баҫылған “Моң ” фантастик хикәйәһе буйынса Баймаҡ районының Иҫке Сибай урта мәктәбендә һөйләшеү үткәрҙеләр.

Баймаҡ районының Иҫке Сибай урта мәктәбендә БР һәм РФ Журналистар Союзы ағзаһы, Яҙыусылар Союзы ағзаһы, М.Кәрим исемендәге милли йәштәр театрының әҙәбиәт бүлеге мөхәррире, яҙыусы,журналист, башҡортобоҙҙоң һәләтле ҡыҙы Ырыҫҡужина Рәзилә Ишбулды ҡыҙы беҙҙә ҡунаҡта булды. Беҙ Рәзиләнең “Аманат ” балалар журналында баҫылған “Моң ” фантастик хикәйәһе буйынса һөйләшеү үткәрергә йыйылдыҡ. Бишенселәр әҫәрҙе яҡшылап өйрәнде, һүрәттәр эшләне, әҙибәнең шиғырҙарын ятланы, хикәйәнән өҙөк сәхнәләштерҙе. Рәзилә Ишбулды ҡыҙы: "Шул тиклем ихлас тыңлаған балалар менән осрашыу шатлыҡлы булды," - тине аҙаҡтан.
Рәзилә Ырыҫҡужина 5а һәм 5б кластарына 2020 йылға "Аманат" журналына подписка бүләк итте. Уҡыусылар бүләкте шатланып ҡабул итте.