Ҡәҙриә 6 йәштән уйнай, балалар сәнғәт мәктәбендә шөғөлләнгән. “Ҡурай- башҡорт халҡының төп уйын ҡоралы, шуның өсөн дә ҡурайҙа уйнарға өйрәндем. Бала саҡта ансамбль менән төрлө конкурстарҙа ҡатнаша инем, хәҙер һирәгерәк сығыш яһайым,” -ти ул. Ҡәҙриә әйтеүенсә, ҡурай менән күптәр ҡыҙыҡһына, уйнарға өйрәнергә теләп мөрәжәғәт итәләр. Ҡурай уйнау сәләмәтлек өсөн дә файҙалы, тын алыу юлдарын сыныҡтыра, ти ҡурайсы.