Бөтә яңылыҡтар
Мәғлүмәт
30 Март 2020, 13:21

Республикала COVID 19 вирусы бишенсе кешелә табылған

Өйҙә ҡалыу хәйерлерәк. Ләкин ҡайһы берәүҙәр был аҙнаны күңел асыу мәле тип аңланы шикелле.

Ял көндәре тәбиғәткә сығып, шашлык ҡыҙҙырып йөрөүселәр булды бихисап. Шул уҡ ваҡытта Башҡортостанда бишенсе коронавирус сирен йоҡторған кеше табылды. Ул Францияла уҡыған студент булып сыҡты.
Хөкүмәттәге оператив кәңәшмәлә “ҡоро” закон ҡабул итерге тәҡдим иттеләр. Шулай уҡ ҡул бирешеп һаулыҡ һорашмаҫҡа ла өндәйҙәр.
Рәсәйҙә 1534 кешелә был сир табылған. Был тәүлектә илдә 270 яңы осрағы асыҡланды, шуларҙың береһе Башҡортостанда.