-18 °С
Болотло
75 лет Победы
Бөтә яңылыҡтар
Мәғлүмәт
11 Апрель 2020, 21:48

Ҡайһы ҡала һәм район дауаханаларында COVID 19 вируслы ауырыуҙар бар?

Алдан хәбәр итеүебеҙсә, Башҡортостанда 11 апрелгә 66 кеше был сир эләктергән. Рәсми мәғлүмәткә ҡарағанда, 6 ҡала һәм 2 район дауаханаларында яталар.

Роспотребнадзор мәғлүмәтенән күренеүенсә, 47 пациент бар. Күбеһе Өфө дауаханаларында: 26 кеше Республика клиник инфекция дауаханаһында, 9 – Ҡыуатов исемендәге Республика клиник дауаханаһында, 4 – Дим ҡала дауаханаһында. 2 кеше Бөрө дауаханаһында һәм берешәр сирле Дүртөйлө, Кумертау, Сибай, Октябрьский ҡала, Бәләбәй, Ейәнсура үҙәк дауаханаларында дауалау курсы ала.
5 кеше амбулатор рәүешендә дауалана. Уларҙың ауырыуы еңел үтә. 7 кеше һауығып ҡайтып киткән.
Шулай уҡ, бөгөн, республика һаулыҡ һаҡлау министрлығы коронавирустан беренсе пациенттың үлемен хәбәр итте: 1938 йылғы Бәләбәй кешеһе вафат булған.
фото: vedomosti.ru