-22 °С
Болотло
75 лет Победы
Бөтә яңылыҡтар
Мәғлүмәт
22 Май 2020, 15:26

2020 йылда бөтә фәндәр буйынса Берҙәм дәүләт имтиханы теҙмәһе баҫылып сыҡты

Тәүгеһе 29 июндә була. Сығарылыш класс уҡыусылары география, әҙәбиәт һәм информатика тапшыра.

Мәғариф һәм фән өлкәһендә күҙәтеү буйынса федераль хеҙмәт Берҙәм дәүләт имтихандары теҙмәһен баҫтырып сығарҙы. Тәүгеһе 29 июндә була. Сығарылыш класс уҡыусылары география, әҙәбиәт һәм информатика тапшыра.
2 һәм 3 июлдә – рус теле, 6 июлдә – математика, 9 июлдә – тарих һәм физика, 13 июлдә – йәмғиәтте өйрәнеү һәм химия, 16 июлдә – биология, 16, 18 һәм 20 июлдә – сит телдәр, тип хәбәр итте «РИА Новости» мәғлүмәт агентлығы ведомствоның матбуғат хеҙмәтенә һылтанма менән.
Алдан хәбәр ителгәнсә, Берҙәм дәүләт имтиханын юғары уҡыу йортона инергә теләгәндәр генә тапшыра. Тәүҙә имтихандар 8 июндә башланыр тип хәбәр ителгәйне, ләкин насар эпидемиологик хәлгә бәйле йомғаҡлау аттестацияһын күсерҙеләр.
Фото: Олег Яровиков