+12 °С
Ямғыр
Бөтә яңылыҡтар
Мәғлүмәт
25 Июнь 2020, 19:44
Республикала генерал Шайморатов тураһында спектаклдең репетицияһы бара
Арыҫлан Мөбәрәков исемендәге Сибай башҡорт драма театрында Флорид Бүләковтың «Шайморатов генерал» героик драмаһының репетицияһы бара.
Спектакль күренекле шәхес – 112-се Башҡорт атлы дивизияһы командиры, Рәсәй Геройы, генерал-майор Миңлеғәле Шайморатов иҫтәлегенә бағышлана.
Спектакль өҫтөндә саҡырылған режиссер – Туймазы театрының баш режиссеры Илнур Муллабаев эшләй. Ҡуйыусы рәссам – Рәсәй Федерацияһының һәм Ҡалмыҡ Республикаһының атҡаҙанған сәнғәт эшмәкәре, Татарстан Республикаһының театр сәнғәте өлкәһендәге «Тантана» дәүләт премияһы лауреты Валерий Яшкулов. Балетмейстер – режиссер, хореограф, бейеүсе Ярослав Францев. Композитор – Өфөнән йырҙар авторы Илсаф Вәдүтов.
«Шайморатов бөтәбеҙҙе лә, тәү сиратта, шәхес булараҡ ҡыҙыҡһындыра. Беҙ уның дивизия командиры икәнен, полкты атакаға ебәреүен беләбеҙ, ә ул ниндәй кеше булған һуң? Был бик ҙур әһәмиәткә эйә. Спектакль аша үҙ версиябыҙҙы күрһәтергә теләйбеҙ», — тип һөйләне актер Вадим Ғилманов «Сибай-ТВ» телекомпанияһы сюжетында.
Премьера 7-8 июлгә билдәләнгән. Ләкин коронавирус пандемияһы арҡаһында залда тамашасылар булмай. Проект «Берҙәм Рәсәй» партияһының «Бәләкәй ҡалалар театрҙары» проекты буйынса тормошҡа ашырыла.
Читайте нас:
© 2008-2024 «Аманат» Республика балалар-үҫмерҙәр журналының сайты. Сайт Республиканского детско-юношеского журнала «Аманат». Ойоштороусылары: Башҡортостан Республикаһының Матбуғат һәм киң мәғлүмәт саралары буйынса агентлығы; Башҡортостан Республикаһының "Республика Башкортостан" нәшриәт йорто дәүләт унитар предприятиеһы. Учредители: Агентство по печати и средствам массовой информации Республики Башкортостан; Государственное унитарное предприятие Республики Башкортостан Издательский дом "Республика Башкортостан".
Телефон
8 (347) 246-31-05
Электрон почта
Адресы
450079, Республика Башкортостан, г. Уфа, ул. 50-летия Октября, 13, 7 этаж
Редакция
8 (347) 246-31-05
Ҡабул итеү бүлмәһе
8 (347) 246-31-05