-18 °С
Болотло
75 лет Победы
Бөтә яңылыҡтар
Мәғлүмәт
20 Октябрь 2020, 14:08

Театрыбыҙ йәме

Мостай Кәримдең “Беҙҙең өйҙөң йәме” повесын уҡымай ҡалған кешеләр юҡтыр. Ә Мостай Кәрим исемендәге Милли йәштәр театрының ошо әҫәр буйынса сәхнәләштергән спектаклен күрҙегеҙме?

Уны 2005 йылда режиссер Мөсәлим Күлбаев ҡуйғайны. Мостафа Сафа улы ул турала ишеткәс, аптырап ҡала. Әҫәр бер ҙә сәхнә өсөн яҙылмаған кеүек. Әммә Мөсәлим Георгиевич үҙе яҙған инсценировканы уҡығас, үҙенең фатихаһын бирә. Әйткәндәй, әҙип ул саҡта үҙ ҡулдары менән яҙған ошо фатиха-яҙмаһының ни тиклем ҡиммәтле булырын күҙ алдына ла килтермәгәндер. Бөгөн ул театр музейының кәштәләренең береһендә оло тарих һаҡлаусы ролен үтәй.
“Беҙҙең өйҙөң йәме” спектакле “Өс таған” һәм “Беҙҙең өйҙөң йәме” әҫәрҙәрен үҙ эсенә ала. Инде ун биш йыл театр сәхнәһенән төшмәгән спектакль бөгөн дә тулы зал тамашасы йыйыуы менән дан тота.
Бөгөн оло әҙиптең тыуыуына – 101 йыл тула. Театр үҙенең Ютубе каналында https://www.youtube.com/channel/UCXg67D8XkmbFlD4InptY.. киске 19.00 сәғәттә архив фондынан “Беҙҙең өйҙөң йәме” спектаклен ҡарарға саҡыра. Нисәмә йылдар сәхнәнән төшмәгән әҫәр күпме ҡараһаң да бөгөн генә тәүгә ҡуйылған кеүек ҡабул ителә. Һәр геройҙың йөрәктәрҙә төп урынды алыр һәләте бар.
Рәзилә Ырыҫҡужина, театрҙың әҙәбиәт бүлеге мөхәррире.
Читайте нас в