-19 °С
Болотло
75 лет Победы
Бөтә яңылыҡтар
Мәғлүмәт
27 Октябрь 2020, 13:49

Салауат ҡалаһы мэры башҡорт телен өйрәнә башларға вәғәҙә итә

Салауат ҡалаһы хакимиәте башлығы Игорь Миронов башҡорт теленә ныҡлып тотонмаҡсы. Дәүләт башҡорт телен өйрәнеү буйынса курсты хакимиәтттең бөтә муниципаль хеҙмәткәрҙәре лә үтәсәк.

“Рәсәй экологияһы – РФ экология милли проекты” (“Экология России – нацпроектэкология РФ”) мәғлүмәт порталы “Ер йорто” (“Дом Земли”) корнкурсына иң яҡшы проект-тәҡдим өсөн тауыш биреүҙе башланы. Быйыл яҙ “Рәсәй ҡурсаулыҡтары” экоүҙәге” йәмғиәте дизайнерҙар һәм архитекторҙар араһында Рәсәй милли парктары ҡунаҡтары өсөн иң үҙенсәлекле һәм ҡабатланмаҫ объект тәҡдименә конкурс иғлан иткәйне.
Был турала ул Мәғариф, фән, башҡорт теле һәм әҙәбиәтен үҫтереү буйынса комиссияның киңәйтелгән ултырышында белдерҙе.
Онлайн-кәңәшмәлә Комиссия, Республика ата-әсәләр комиссияһы ағзалары, Салауат ҡалаһының хакимиәте һәм йәмәғәт ойошмалары вәкилдәре ҡатнашты.
«Ҡоролтайға Салауат ҡалаһы халҡынан бик күп мөрәжәғәттәр килде. Салауаттар балалар баҡсаларында башҡорт төркөмдәре асылмауына ҡәнәғәтһеҙлек белдерә. Айырыуса 53-сө балалар баҡсаһына ҡағылышлы һорауҙар күп. Башҡорт телен ата-әсәләргә лә өйрәтер кәрәк. Ололар ҙа тел өйрәнеү буйынса курстарға мохтаж. Беҙ «Салауатта башҡорт йәкшәмбе мәктәбен асыу өсөн бөтә мөмкинлектәр бар» тип иҫәпләйбеҙ»,-тине Бөтә донъя башҡорттары ҡоролтайы Президиумы рәйесе, БР Дәүләт Йыйылышы-Ҡоролтай рәйесе урынбаҫары Эльвира Айытҡолова.
Салауат ҡалаһы хакимиәте башлығы Игорь Миронов "БР халыҡтары телдәре тураһында закон«ды тормошҡа ашырыу тураһында һөйләне. Уның әйтеүенсә, ҡалала
- 2019-2024 йылдарҙа «БР Салауат ҡалаһының милли-мәҙәни үҫеше»;
- 2017-2022 йылдарҙа «БР Салауат ҡалаһында йәшәүсе халыҡтарҙың этномәҙәни үҫеше һәм рәсәй халҡы берҙәмлеген нығытыу»
башҡорт телен һәм БР халыҡтары телдәрен өйрәнеүгә йүнәлтелгән программалар тормошҡа ашырыла. «БР халыҡтар телдәре тураһында» законы буйынса эште 38 мәктәпкәсә, 18 дөйөм белем биреү учреждениеһы, йәкшәмбе мәктәбе, 6 өҫтәлмә белем биреү учреждениеһы алып бара.
«Беҙ ҡала башҡорттары ҡоролтайы һәм башҡа йәмәғәт ойошмалары менән бергә эшләргә иҫәп тотабыҙ. Эшлекле кәңәшмәлә 25-се мәктәп нигеҙендә полилингваль мәктәп асыу өсөн бөтә шарттар бар тип килешелде. Әле республикала 3- Өфөлә 2 , Стәрлетамаҡта бер полилингваль мәктәп эшләй»,— ти Салауат ҡалаһы хакимиәте башлығы Игорь Миронов.
Мәктәпкәсә белем биреү учреждениеларында башҡорт телендә уҡытыу һәм тәрбиә биреүсе төркөмдәр асыу перспективаһы тураһында Салауат ҡалаһының мәғариф идаралығы етәксеһе Марина Вишева таныштырҙы. 53-сө балалар баҡсаһына 14 төркөмдә 303 бала йөрөй.
«Балалар баҡсаһы бинаһы ике корпустан тора. Береһендә алты гтөркөмдә башҡорт телендә 116 бала тәрбиәләнә. Бөгөн ҡала хакимиәте тарафынан учреждениены ике үҙ аллы баҡсаға бүлеү тураһында ҡарар сығарылды. 53-сө балалар баҡсаһына үҙенең элекке «Йәншишмә» исеме ҡайтарыласаҡ һәм был баҡсала башҡорт төркөмдәре буласаҡ. Әле унда 11 урын бар. Ә тейешле белемле кадрҙар менән учреждение тулыһынса тәьмин ителгән»,— тине Салауат ҡалаһы мәғариф идаралығы етәксеһе Марина Вишева.
53-сө балалар баҡсаһын Салауат ҡалаһы башҡорттары ҡоролтайы шефлыҡҡа ала. Онлайн-кәңәшмәлә яңғыраған сығыштарҙы иҫәпкә алып, сарала ҡатнашыусылар Салауаттағы һәр балалар баҡсаһында башҡорт төркөмдәре асырға, мәктәптәрҙә туған телдә уҡыу сәғәттәрен күбәйтергә ҡарар сығарҙы. Урындағы ҡоролтай ағзаларын терминология һәм топонимия хеҙмәттәре составына индерергә тигән тәҡдим дә булды. Салауат ҡалаһында йәшәүселәрҙең ихтыяжын ҡәнәғәтләндереү өсөн ҡалала милли мәктәп асырға һәм башҡорт телендә ата-әсәләр форумын уҙғарырғала ниәтләйҙәр.
Читайте нас в