Мостай Кәримдең «Өс таған» әҫәре кинотеатр экрандарына ҡасан сыға?

Кинотаҫма Башҡортостан Республикаһы Башлығы грантына төшөрөлгән. Уның буйынса эш 2018 йылдың йәйендә һәм көҙөндә Ғафури, Ишембай, Стәрлетамаҡ һәм Өфө райондарында барҙы. Премьера алдынан күрһәтеү Мостай Кәримдең тыуыуына 100 йыл тулыу айҡанлы 2019 йылда Өфөнөң «Родина» кинотеатрында ойошторолдо. Ҡыҙғанысҡа ҡаршы, коронавирус пандемияһы сәбәпле киң премьера һәм прокат кисектереп торолдо. Әммә был фильмға төрлө конкурстарҙа ҡатнашырға һәм уларҙа еңергә ҡамасауламаны. Мәҫәлән, былтыр декабрь айында башҡорт режиссерының картинаһы 15-се Ҡытай Халыҡ-ара балалар киноһы фестивалендә иң яҡшы фильм тип танылды. Ноябрь аҙағында Гатчиналағы «Гранатовый браслет» кино фестивалендә Гран-при яуланы. Уға тиклем «Өс таған» Мәскәүҙә үткән «Будем жить» фестивале сиктәрендә «Ҡыҫҡа метражлы уйын киноһы» номинацияһында икенсе урынға лайыҡ булды.

Сығанаҡ: https://kurultai.ru/ba/content/1921-taganok-mustaya-karima-na-ekranah-kinoteatrov-strany/