Дуҫы күпте яу алмаҫ!

Был осрашыуҙың сәбәпсеһе булып, ошо мәктәп уҡыусыһы Айнур Ғафаров, “Яҙыл да бүләк от!” уйынында еңеп, “Аманат”тан монопод отҡайны. Уға тәғәйенләнгән ошо бүләген алып барып тапшырҙыҡ. Айнурҙың ҡыуанысын уртаҡлашырға бөтөн мәктәп йыйылғайны. Сараны мәктәп директоры Альбина Рәмил ҡыҙы Мөхҡолова асып ебәрҙе. “Айнур мәктәптең яҡшы уҡыусыһы, мәктәп тормошонда әүҙем ҡатнаша. Каратэ менән яратып шөғөлләнә. Хатта күк төҫтәге билбауға эйә ул! Бына ниндәй шәп уҡыусылар уҡый “Аманат” журналын!” – тип Айнурға йылы һүҙҙәрен әйтте Альбина Рәмил ҡыҙы.