Һауа торошо үҙгәрә!

Ял көндәрендә Башҡортостанда һауа температураһы -20,-23 градусҡаса түбәнәйә

9-15 декабрҙә Башҡортостанда көслө ел, боҙлауыҡ, ҡар, епшек ҡар ғәҙәттән тыш хәлдәргә, аварияларға сәбәпсе булыуы ихтимал.

9 декабрҙә көндөң аяҙлы-болотло булыуы көтөлә. Төндә урыны менән бер аҙ ҡар, көндөҙ яуым-төшөмһөҙ. Айырым райондарҙа боҙлауыҡ. Ел көньяҡтан, көньяҡ-көнсығыштан, секундына 4-9 метр тиҙлектә иҫә. Һауа температураһы төндә -4,-9°С, аяҙытҡанда -11,-16°С, көндөҙ 0,-5°С, көньяҡ-көнсығышта -10°С тиклем һалҡын.

10 декабрҙә – аяҙлы-болотло һауа торошо. Яуым-төшөмһөҙ, көндөҙ төньяҡ райондарҙа бер аҙ ҡар. Ел йүнәлешен үҙгәртеп, секундына 0-5 метр тиҙлектә иҫә. Һауа температураһы төндә -4,-9°С, аяҙытҡанда -11,-16°С, көндөҙ-1,-6°С.

11 декабрҙә – аяҙлы-болотло һауа торошо. Яуым-төшөмһөҙ. Айырым райондарҙа юлдарҙа боҙлауыҡ. Ел төньяҡтан, төньяҡ-көнсығыштан секундына 4-10 метр тиҙлектә иҫә. Һауа температураһы төндә -18,-11°С, көндөҙ -15,-12°С.

12 декабрҙә аяҙ була. Яуым-төшөмһөҙ. Ел төньяҡтан, төньяҡ-көнбайыштан секундына 1-3 метр. Һауа температураһы төндә -23, -20°С, көндөҙ -19, -18°С.

13 декабрҙә – аяҙлы-болотло. Яуым-төшөмһөҙ. Ел көньяҡтан, тиҙлеге секундына 2-8 метр. Һауа температураһы төндә -22,-20°С, көндөҙ -18,-13°С.

14 декабрҙә көн болотло була. Ҡар яуыуы көтөлә. Ел көнбайыштан, көньяҡ-көнбайыштан секундына 7-9 метр тиҙлектә иҫә. Һауа температураһы төндә -9,-5°С, көндөҙ -6°С.

15 декабрҙә көндөң болотло булыуы көтөлә. Урыны менән бер аҙ ҡар. Ел көньяҡ-көнбайыштан секундына 6-12 метр. Һауа температураһы төндә һәм көндөҙ -5,-2°С. 

Мәғлүмәт "Башинформ" агентлығынан алынды.