Ниндәй ул сир – мизофония?

Ҡайһы бер кешеләрҙе көслө һәм киҫкен тауыштар ярһыта: шапылдатып ашау, хырылдау, ҡысҡырыу йәки ишектең шығырлауын ишеткәс, улар ҡыҙа ла китә. Бындай сир мизофония тип атала икән.

Бөгөнгө көнгә мизофония айырым ауырыу итеп билдәләнмәгән. Әммә был ауырыуҙың этиологияһы тулыһынса өйрәнелмәгән. Тауыш – күләме, оҙайлығы һәм интенсивлығы аша йоғонто яһай ала. Мизофония менән ауырыған кешеләрҙә тауыш триггерҙары ҡасырға, йәшенергә, яҡланырға теләк тыуҙыра, әммә был тойғолар мизофония менән ауырымаған кешеләргә ҡарағанда күпкә көслөрәк.

Ауырыуҙың симптомдары төрлө тауыштарҙы тыуҙырыуы мөмкин: тешләү, ыңғыраулау, йотоу, быяланы һыҙырыу, клавишаларҙы шаҡылдатыу йәки сәғәттең сыҡылдауы. Кешелә эске борсолоу, асыу, паника, ярһыу, ерәнеү һәм ҡытыршылыҡтар барлыҡҡа килә.

 Был тойғоларҙың бөтәһе лә кире эмоциональ төҫкә эйә, китергә йәки хатта ҡасырға теләк тыуҙыра, кеше үҙен триггер сығанағына яҡын була алмауын тоя. Артабан визуаль триггерҙар менән нығытыу бара һәм был күренештәрҙең барлыҡҡа килеүенә булышлыҡ иткән хәлдәрҙән ҡасыу кәрәклеге күҙәтелә.

Был тормош сифатын ғына ҡаҡшата, сөнки кеше һаҡланыусан һәм ҡасыусан тәртип һайлай. Күптәргә йәмәғәт урындарында ашауҙан, киноға йөрөүҙән баш тартырға тура килә. Кешеләр билдәле транспорт төрҙәрендә йөрөүҙе, күңел асыу сараларына йөрөүҙе туҡтата, маршруттарҙы алдан планлаштыра һәм көн тәртибен төҙөй башлай.

Бер фараз буйынса, ауырыуҙың тамыры генетикала ята. Ул уның биологик тәбиғәтен раҫлай ала, әммә уның үҫеше механизмын аңлатмай. Мизофония психик борсолоу спектры боҙолоуҙары менән бергә була.

Ауырыу комплекслы дауалана, шул уҡ ваҡытта сурдологтарға һәм неврологтарға мөрәжәғәт ителә. Дауалау ысулдарының береһе - когнитив-хәрәкәт психотерапияһы. Әгәр психик тайпылыштар асыҡланһа, дауалау тәғәйенләнергә тейеш.

Һүрәт «Шедеврум» мобиль ҡушымта ярҙамында эшләнгән