-10 °С
Болотло
Еңеүгә - 80 йыл
Бөтә яңылыҡтар
Мәғлүмәт
15 Декабрь 2024, 17:08

Ялығыҙ тәмле үтһен! Пекин кәбеҫтәһенән салаттар

*Кәрәк: 300 г пекин кәбеҫтәһе 250 г краб таяҡсаһы 1 банка кукуруз 2 дана йомортҡа 2 аш ҡалағы майонез тоҙ, ҡара борос. Пекин кәбеҫтәһенең  яртыһын ваҡ ҡына итеп турарға. Краб таяҡсаларын буйға бүлергә һәм ваҡлап турарға. Бешкән йомортҡаны шаҡмаҡлап турарға. Бөтәһен бер сеүәтәгә  ауҙарып, кукуруз, тоҙ, борос, майонез һалып бутарға. Салат әҙер.

Ялығыҙ тәмле үтһен! Пекин кәбеҫтәһенән салаттар
Ялығыҙ тәмле үтһен! Пекин кәбеҫтәһенән салаттар

*Кәрәк:

300 г пекин кәбеҫтәһе

1 дана оҙон ҡыяр

бер услам ҡыяҡлы һуған

3 дана йомортҡа

2 аш ҡалағы майонез

тоҙ, ҡара борос.

Ярты пекин кәбеҫтәһен, ҡыяҡлы һуғанды  ваҡлап турарға.

Ҡыярҙы, бешкән йомортҡаны шаҡмаҡлап турарға.

Һәммәһен сеүәтәгә ауҙарып,  тоҙ, борос, майонез йә ҡаймаҡ һалып болғатырға.

*Кәрәк:

500 г пекин кәбеҫтәһе

1 кишер

70 г йөҙөм

70 г арахис

1 бәйләм укроп

тоҙ, ҡара борос

2 аш ҡалағы алма һеркәһе йә лимон һуты

1-2 аш ҡалағы үҫемлек майы.

Йөҙөмдө ҡайнар һыуҙа 10 минут ебетеп, йыуып әҙерләргә.

Ҡыҙҙырылҡан арахисты бысаҡ йөҙө менән баҫып ваҡларға.

Кишерҙе эре ҡырғыстан үткәрергә.

Пекин кәбеҫтәһен, укропты  ваҡлап турарға.

Сеүәтәгә бөтә туралғанды һалып, өҫтөнә тоҙ, борос, үҫемлек майы, алма һеркәһе йәки лимон һуты ҡойоп, яҡшылап бутарға. Салат әҙер.

Һүрәт: нейроселтәр.

 

Автор:Миляуша Камалова
Читайте нас: