Швед ҡыҙы Грета Тунберг хөрмәтенә яңы төр ҡусҡарға уның исемен биргәндәр

Швед ҡыҙы Грета Тунберг хөрмәтенә яңы төр ҡусҡарға уның исемен биргәндәр.

“Biodiversity Data Journal” журналы хәбәр итеүенсә, яңы төр ҡусҡарҙы Бруней джунглиҙарында ғилми экспедиция ваҡытында табып алалар. Уға “Craspedotropis gretathunbergae” тигән атама биргәндәр.

Грета менән ҡусҡар араһында ниндәй уртаҡлыҡ бар икән һуң? Баҡтиһәң, был ҡусҡар ғаиләһе ҡоролоҡҡа, һауа температураһының кинәт үҙгәреүенә, урмандарҙың ҡырылыуына, йәғни климат үҙгәреүенә тиҙ бирешә икән. Шуға ла уға швед активисының исемен ҡушҡандар.