22 апрель – Халыҡ-ара Ер көнө

22 апрель – Халыҡ-ара Ер көнө

22 апрелдә Халыҡ-ара Ер көнө билдәләнә. Был - таҙа ер, һыу, һауа байрамы. Ер көнө рәсми рәүештә 1970 йылда иғлан ителә, акцияла 20 миллиондан ашыу кеше ҡатнаша. Ә 20 йылдан һуң был дата 141 илдә уҙғарыла.

Бөгөн экологтар Ер шарының сүп-сар, төрлө ҡалдыҡтан тонсоғоуын йәшермәй. Әгәр хәл ошолай дауам итһә, бер нисә тиҫтә йылдан эсәр һыу, йәшеллек юҡҡа сығыуы бар.

Был көн мәктәп уҡыусылары, предприятие эшселәре ҙур өмәләргә сыға. Ошолайтып, үҙҙәренең планета яҙмышына битараф түгеллеген күрһәтә.

...Тыуған ил ул – тыуған ер,
Атай кейәү булған ер,
Әсәй килен булған ер
Батырға дан биргән ер,
Халҡына һан биргән ер,
Ана шул ер – Тыуған ил,
Ана шул ил – тыуған ер.

Рәшит Ниғмәти.