“Оҙонсәс” конкурсында ҡатнашырға өлгөр!

Ҡыҙҙар-йондоҙҙар! Белеүегеҙсә, киләһе айҙа беҙ иң оҙон сәсле һылыуҙы билдәләп, уның фотоһын журналыбыҙҙың тышлығында сығарасаҡбыҙ. Әлеге ваҡытта конкурсҡа 2020 йылдың мартынан алып 9 ҡыҙҙан фото килде. Кем дә кем фотоһын ебәреп тә үҙен ҡатнашыусылар араһында тапмаған – ғәфү итегеҙ, бәлки күрмәй ҡалғанбыҙҙыр. Ҡабаттан ошо һылтанма https://vk.com/topic-41010454_40098281 буйынса ебәреүегеҙҙе һорайбыҙ. Былтыр, унан алдағы йылдарҙа ҡатнашып, еңә алмағандар ҙа ҡатнаша ала.

“Оҙонсәс” конкурсына йомғаҡ март баштарында яһала. Конкурс шарттары ябай: оҙон сәсегеҙҙе күрһәтеп төшкән асыҡ, сифатлы фотоһүрәттәрегеҙҙе төркөмдәге әңгәмәгә https://vk.com/topic-41010454_40098281 һалырға һәм үҙең хаҡында бер аҙ мәғлүмәт ебәрергә кәрәк. Фотоһы нәфислелек һәм күләмлелек яғынан иң сифатлыһы булған оҙон сәсле һылыуҡайҙың фотоһы журнал тышлығында сығасаҡ.

2021 йылда ҡатнашыусылар:

Аделина Мәрҙәншина. Туймазы районының Серафимовка ауылынан. 3-сө синыфта уҡый. Сәсенең оҙонлоғо – 76 см.

Эвелина Вәликәева. Туймазы районының Серафимовка ауылынан. 4-се синыфта белем ала. Сәсенең оҙонлоғо – 78 см.

Динара Рәсүлева. Сибай ҡалаһынан. Рамаҙан Өмөтбаев исемендәге башҡорт лицейында уҡый, 12 йәш. Сәсенең оҙонлоғон яҙмаған (ред).

Йылайыр районы ҡыҙҙары Алтынай Солтанова (76 см), Айзилә Солтанова (57 см), Йәмилә Шәмиғолова (60см).

Яҙгөл Абдуллина. Әбйәлил районының Хәмит ауылынан. 12 йәш. Бик теләп сәс үҫтерә һәм тәрбиәләй. Айсулпан апайы уның сәсенә төрлө прическа эшләргә ярата. Сәсенең оҙонлоғо – 85 см.

Наҙгөл Ғәзизова. Ғафури районының Ҡолҡан ауылынан. Жәлил Кейекбаев исемендәге Сәйетбаба мәктәбендә уҡыйым. Буш ваҡытта һүрәт төшөрөргә, китап уҡырға ярата. 11 йәш. Сәсенең оҙонлоғон яҙмаған (ред).

Азалия Фәррәхова. Туймазы районының Серафимовка ауылынан. Серафимовка ауылының 3-сө һанлы мәктәбенең 3-сө синыфында белем ала. “Мин һүрәт төшөрөргә, бейергә, китап уҡырға, шиғырҙар ятларға яратам. Әсәйемә оҡшарға теләйем. Мин үҙемде ҡыҫҡа сәсле итеп күҙ алдына ла килтерә алмайым. Сәстәремде әсәйем менән бергә тәрбиәләйбеҙ”, - ти ул. Сәсенең оҙонлоғо – 109 сантиметр.

Читайте нас:

© 2008-2024 «Аманат» Республика балалар-үҫмерҙәр журналының сайты. Сайт Республиканского детско-юношеского журнала «Аманат». Ойоштороусылары: Башҡортостан Республикаһының Матбуғат һәм киң мәғлүмәт саралары буйынса агентлығы; Башҡортостан Республикаһының "Республика Башкортостан" нәшриәт йорто дәүләт унитар предприятиеһы. Учредители: Агентство по печати и средствам массовой информации Республики Башкортостан; Государственное унитарное предприятие Республики Башкортостан Издательский дом "Республика Башкортостан".

Телефон

8 (347) 246-31-05

Электрон почта

[email protected]

Адресы

450079, Республика Башкортостан, г. Уфа, ул. 50-летия Октября, 13, 7 этаж

Редакция

8 (347) 246-31-05

Ҡабул итеү бүлмәһе

8 (347) 246-31-05