Үҙе тәмле, үҙе әсе витамин тураһында һүҙебеҙҙе шағир Әхмәт Ғүмәр-Үтәбайҙың шиғырынан башлайбыҙ.
Бар сирҙәрҙе еңә торған
Иң-иң көслө витамин;
Лимондарҙы, һуғандарҙы
Ашамайым, йотамын;
Витаминдар араһында
Иң-иң әсе витамин —
С витамин!
Кеше организмы өсөн иң кәрәкле булған С витамины төрлө инфекцияларға ҡаршы көрәшергә ярҙам итә. Шулай уҡ тимер үҙләштереүҙе яҡшыртып ҡына ҡалмай, цинганан, яман шештән, йөрәк-ҡан тамырҙары сирҙәренән һаҡлай, холестерин кимәлен контролдә тота, катарактаны иҫкәртә, диабет менән ауырыған кешеләрҙең бөйөр, күҙ, нервы торошон көйләй. Был витамин (һүрәттә) түбәндәге аҙыҡтарҙа күп.
Ә тәмәке тартыу организмдағы С витаминын бөтөнләй юҡҡа сығара.