Массаж эшләгәндә башҡортса һамаҡлау

Рельстар, рельстар, шпалдар, шпалдар,
Тегендә-бында поездар сабалар.

Бына ғәжәп: бер ваҡыт
Халыҡты аптыратып,
Үтеп барған поездан
Ергә борсаҡ ҡойолған,
Өйөм-өйөм йыйылған.

Үтеп киткән фил-атай,
Борсаҡты тапай-тапай!
Үтеп киткән фил-әсәй,
Борсаҡ еҫенә сәсәй!
Арттарынан фил-бәпәй
Борсаҡ кеүек тәгәрәй.

Бына килде себештәр,
Борсаҡтарҙы сүпләйҙәр!
Сип-сип-сип тип йырлайҙар,
Сүпләп-сүпләп туймайҙар.

Аҙаҡ килде аҡ ҡаҙҙар,
Ойошторҙолар баҙар!
Ҡаң-ҡаң-ҡаң да
Ҡаң-ҡаң-ҡаң,
Әллә үләләр астан!
Борсаҡтарҙы тапайҙар,
Соҡоп-соҡоп ашайҙар,
Ашап-ашап туймайҙар —
Бына ниндәй ас ҡаҙҙар!

Шунан килде бер ағай,
Ҡулында ҙур һепертке.
Бөтә ерҙе борсаҡтарҙан
Матур итеп һеперҙе.

Өҫтәл ҡуйып, кейемен
Ултырғысҡа ташланы,
Баҫа торған машинкала
Хатын яҙа башланы.

"Мин ҡыҙыма-бәпкәмә
Вжик - нөктә һәм вжик - нөктә —
Алдым ойоҡ бүләккә!
Вжик - нөктә һәм вжик - нөктә!

Ҡатыныма-йөрәккә
Вжик - нөктә һәм вжик - нөктә —
Алдым ойоҡ бүләккә!
Вжик - нөктә һәм вжик - нөктә!

Ҡыуанышып кейһендәр,
Мин уларҙы яратам!
Шуға, поезға һалып,
Бүләгемде оҙатам!

Улар бит хәбәр көтә:
Вжик - нөктә һәм вжик - нөктә!
Алыу менән хатымды,
Ҡаршыларҙар поезды!
Хатым яҙылып бөтә —
Вжик - нөктә һәм вжик - нөктә!"

Хаты әҙер, конвертҡа
Ҙур итеп мисәт һуҡты,
Бер туҡтаған поезға
Бүләктәрен дә һалды,
Ҡулдарын болғай-болғай,
Уны оҙатып ҡалды.

Китте почтаға шунан —
Был ағай шундай уңған!
Хатты тиҙ генә яҙҙы,
Әл дә борсаҡ ҡойолған!
Зөһрә Рәхмәтуллина.

Рельсы, рельсы, шпалы, шпалы-
Ехал поезд запоздалый.
Из последнего окошка
Вдруг посыпались горошки.
Пришли куры - поклевали
Пришли гуси - пощипали.
Прошел слон, прошла слониха,
Пробежал маленький слоненок.
Пришел дворник, все подмел, почистил,
Поставил стол, поставил стул,
Взял печатную машинку
И печатать начал тут же.
"Я купил жене и дочке:
Вжик-точка, вжик-точка,
Заграничные чулочки:
Вжик-точка, вжик-точка".
Положил в конверт и отправил!

"Сәләм" телеканалы сайтынан алынды.