Егет кешегә етмеш төрлө һөнәр ҙә әҙ, тигән беҙҙең ата-бабаларыбыҙ. Шуны иҫтә тотоп, был һанда беҙ һеҙгә һәр егет кешегә тормошонда кәрәге тейер файҙалы кәңәштәр тәҡдим итмәксебеҙ.
Әгәрҙә һеҙ яңы ғына ҡаҙау (ҡаҙаҡ, сөй) ҡатырға өйрәнә башлаған булһағыҙ, был кәңәш – тап һеҙҙең өсөн. Ҡаҙауҙы ҡатҡанда бармағығыҙҙы сүкеш менән эләктермәҫ өсөн сөй тотҡос эшләп алығыҙ. Уны 1,5-2 мм. ҡалынлыҡтағы ҡаты тимер сыбыҡтан кеүек эшләгеҙ.