Ул ташҡа матур итеп һүрәттәр төшөрә

Беҙҙең Мәсетле районы Хөсәйен Ямалетдин улы Фәтҡуллин исемендәге Дыуан-Мәсетле урта дөйөм белем биреү мәктәбенең 6-сы класында Аллаярова Риана исемле ҡыҙ уҡый. Риананың яратҡан шөғөлдәре бик күп: спортты ярата, бәйләм бәйләргә оҫта, шулай уҡ ташҡа матур итеп һүрәттәр төшөрә. Һүрәт төшөрөү өсөн маҡсус акрил маркер ҡулланып төрлө һүрәттәр төшөрә. Бигерәк тә тәбиғәтте, төшөрөргә ярата. Риана еңел пластилиндан төрлө һындар әүәләп эшләргә оҫта. Риананың уҡыуы ла яҡшы, бар кластан тыш сараларҙа әүҙем ҡатнаша.

Ул бик тырыш ҡыҙ, унан үрнәк алырға , эшләгән эштәренә һоҡланырға ғына ҡала. Киләсәктә уның кеүек уңған һәм оҫта уҡыусылыр тағы ла күберәк булһын, оҫталығы менән ҡалған уҡыусылар менән дә уртаҡлашыр тип ышанып ҡалам.

Автор: Нурия Исмәғилова 7-се синыф уҡыусыһы