Бөтә яңылыҡтар
Спорт
11 Июль 2019, 13:35

53-сө Халыҡ-ара балалар уйындары - Өфөлә!

Бөгөн Өфөлә 53-сө Халыҡ-ара балалар уйындары башланды. Ә кисә Өфө-аренала был мәртәбәле сараны асыу тантанаһы үтте.

Баш ҡалабыҙға 29 илдән 1192 йәш спортсы килде. Улар бер юлы 9 дисциплинала: фехтование, еңел атлетика, грек-рим көрәше, йөҙөү, яр буйында волейбол, баскетбол, футбол, дзюдо, ҡаяға үрмәләүҙә көс һынашасаҡ .
Ярыштар 12-13 июлдә биш спорт майзандарында - Өфөнөң Дуҫлыҡ проспектындағы спорт әҙерлеге үҙәгендә, «Ватан» этнопаркында, «Ҡашкаҙан» ял итеү паркында, 32-се спорт мәктәбе базаһында һәм «Нефтселәр» стадионында үтәсәк.
Уйындар теҙмәһен һәм һөҙөмтәләрҙе Халыҡ-ара балалар уйындарының рәсми сайтында ҡарағыҙ.