Башҡортостан спортсыһы Айгөл Гәрәева юниорҙар араһында велоуҙыш буйынса донъя чемпионы булды. Ул, ғәмәлдәге донъя чемпионы Ширин ван Анруй ҙы уҙып китеп,13,7 саҡрым арауыҡта беренсе булып килде. Башҡортостан уҙышсыһы күрһәткән ваҡыт – 22:16.23, тип хәбәр иттеләр Рәсәй Велосипед спорты федерацияһының матбуғат хеҙмәтенән. Өсөнсө урынды Бөйөк Британия вәкиле Элинор Бэкстедт алды.