+2 °С
Болотло
Бөтә яңылыҡтар
Спорт
18 Октябрь 2019, 12:49
Республикала «Спорт көрәше – мәктәптәргә» проектына йыл һайын 27,6 миллион һум бүлеү күҙаллана
Бөгөн Башҡортостанда «Сәләмәт быуын — көслө төбәк» ведомство-ара проектында 6424 уҡыусы ҡатнаша. Дүрт йыл элек унда 152 генә уҡыусы ине.
Шуның иҫәбенә физик культура буйынса беренсе һаулыҡ төркөмө үҙ рәтен 3,8% алып 21,2% тиклем тулыландырҙы.
«Төп төркөмдә уҡыусыларҙың медицина күрһәткесе 13,6% яҡшырҙы, — тип аңлатты республиканың йәштәр сәйәсәте һәм спорт министры вазифаһын башҡарыусы Руслан Хәбибов. — Хәтерегеҙгә төшөрәм, был – Рәсәй Спорт министрлығының бер нисә төбәктә индерелгән пилот проекты».
2019 йылда Башҡортостан балаларҙы спортҡа ылыҡтырыуға һәм уларҙың һаулыҡ кимәлен күтәреүгә йүнәлтелгән «Спорт көрәше – мәктәптәргә» проектын да башлап ебәрҙе. Бөгөн унда республиканың 16 мәктәбе ҡатнаша: һигеҙе – Өфөлә, ә ҡалған һигеҙе – ҡалаларҙа һәм райондарҙа.
«Көрәш өсөн генә түгел, ә гимнастика һәм бергә-бер алыштың башҡа төрҙәре өсөн тәғәйенләнгән спорт залдарын тәртипкә килтереү эштәре бара», — тип билдәләне Хәбибов.
Республика Спорт министрлығы етәксеһе һүҙҙәренсә, Башҡортостанға «Спорт көрәше – мәктәптәргә» проектына ярҙам күрһәтеүгә, атап әйткәндә, залдарҙы реконструкциялауға — 27,6 миллион һум, ә «Сәләмәт быуын — көслө төбәк» проектына 7,8 миллион һум кәрәк. Республика Башлығы Радий Хәбиров ошо программаларҙы артабан үтәүгә ризалыҡ бирҙе.
Читайте нас:
© 2008-2024 «Аманат» Республика балалар-үҫмерҙәр журналының сайты. Сайт Республиканского детско-юношеского журнала «Аманат». Ойоштороусылары: Башҡортостан Республикаһының Матбуғат һәм киң мәғлүмәт саралары буйынса агентлығы; Башҡортостан Республикаһының "Республика Башкортостан" нәшриәт йорто дәүләт унитар предприятиеһы. Учредители: Агентство по печати и средствам массовой информации Республики Башкортостан; Государственное унитарное предприятие Республики Башкортостан Издательский дом "Республика Башкортостан".
Телефон
8 (347) 246-31-05
Электрон почта
Адресы
450079, Республика Башкортостан, г. Уфа, ул. 50-летия Октября, 13, 7 этаж
Редакция
8 (347) 246-31-05
Ҡабул итеү бүлмәһе
8 (347) 246-31-05