Мәскәү өлкәһенән килгән ҡунаҡтарҙы юлаевсылар эҙерләнеп ҡаршы алды. Белгестәр әйтеүенсә "Витязь" беҙҙең һөжүмсе Никита Сошниковтан шөрләне. Һәм юҡҡа булмаған.
15 октябрь Мәскәү өлкәһендә "Салауат Юлаев" "Витязь" менән осрашты ла 1:2 иҫәбе менән еңде. Ике голдын авторы Никита Сошников булды. Бөгөн иһә шул уҡ хәл ҡабатланды. Бомба бер воронкаға эләкмәй тиһәләр ҙә бөгөнгө осрашыу ҙа 2:1 менән тамамланды. Беҙекеләр тағы еңеүсе булып сыҡты һәм тағы ла ике голды Никита Сошников индерҙе!