Бөтә яңылыҡтар
Спорт
17 Март 2020, 13:00

Kovid-19 КХЛ беренселегенең уйындарын да туҡтатты

“Салауат Юлаев” менән “Аҡ Барс” осрашыуы бер аҙнаға күсерелде. “Йокерит” менән “Барыс” Гагарин Кубогы өсөн уйнамаясаҡ.

Континенталь хоккей лигаһының матбуғат хеҙмәте хәбәр итеүенсә Гагарин Кубогы өсөн плей-офф уйындарын бер аҙнаға туҡтатып торорға тигән ҡарар ҡабул ителгән. Көтөлгән “йәшел дерби” ла күсерелә инде.
КХЛдың ярым финалында 8 команда ҡатнашырға тейеш, ләкин Kovid-19 (коронавирус) арҡаһындағы пандемия сәбәпле “Йокерит” (Финляндия) менән “Барыс” (Ҡазағстан) Гагарин Кубогы өсөн артабан көрәш алып бармаясаҡ.
Әлегә плей-офф уйындарында алты Рәсәй хоккей командалары ғына ҡалды. Артабанғы форматты КХЛ етәкселегә хәбәр итәсәк.