Искәндәр карате буйынса «алтын» яуланы

Башҡортостан спортсыһы Искәндәр Басареев республика тарихында тәүге тапҡыр бөтә стилдәге карате буйынса донъя чемпионатында алтын миҙал яуланы. Ярыштар Орел ҡалаһында бара.

Башҡортостан Спорт министрлығының матбуғат хеҙмәтенән хәбәр итеүҙәренсә, финал алышында Стәрлетамаҡ егете Искәндәр Басареев республикабыҙҙың тағы бер вәкиле Рөстәм Ермаков менән көс һынашты. Алыш Искәндәрҙең еңеүе менән тамамланды.

Хәтерегеҙгә төшөрәбеҙ, бынан алдараҡ «Башинформ» Азалия Әминеваның Өфөлә ҡатын-ҡыҙҙар араһында бокс буйынса Рәсәй чемпионатының ярымфиналына сығыуы тураһында яҙғайны.

https://www.bashinform.ru/news/sport/2023-11-07/iskandar-basareev-prines-pervoe-v-istorii-bashkirii-zoloto-po-vsestilevomu-karate-3510266