Был аҙнала Гагарин кубогының плей-офф уйындары башлана. «Салауат Юлаев» беренсе раундты Силәбенең «Трактор»ы менән үткәрә.
«Салауат Юлаев»тың үҙ майҙанындағы тәүге ике уйыны 29 февралдә һәм 2 мартта була. 4 мартта һәм 6 мартта «юлаевсылар» Силәбелә уйнай. Һуңынан, әгәр талап ителһә, ҡалған өс осрашыу 8 мартта (Өфөлә), 10 мартта (Силәбелә) һәм 12 мартта (Өфөлә) үткәрелә.
Хәтерегеҙгә төшөрәбеҙ, былтыр «Салауат Юлаев»тың плей-офтағы уйындары «Адмирал» менән башланды. Моряктарға ҡаршы уйнағанда «юлаевсылар» Континенталь хоккей лигаһының төп бүләге өсөн көрәштән төшөп ҡалды, тип хәбәр иткәйне «Башинформ».