+18 °С
Ямғыр
Бөтә яңылыҡтар
Спорт
6 Март , 21:35

"Салауат Юлаев" командаһы иҫәпте тигеҙләне

Әле генә Силәбелә КХЛ плей-оффының беренсе раундының дүртенсе осрашыуы тамамланды. "Салауат Юлаев" - "Трактор". 

"Салауат Юлаев" командаһы иҫәпте тигеҙләне
"Салауат Юлаев" командаһы иҫәпте тигеҙләне

"Салауат Юлаев" КХЛ плей-оффының беренсе раундының дүртенсе матчында "Трактор"ҙы 3:2 иҫәбе менән еңә.

Беренсе осор ике яҡҡа ла тиҙ контратакалар менән башлана. "Трактор" зәңгәр һыҙыҡтан ырғытырға тырыша, әммә Өфө оборонаһы дәғүәсеһенә етеүҙә уйнарға мөмкинлек бирмәй. Ике яҡлы һөжүмдәргә ҡарамаҫтан, осрашыу иҫәбен хужалар аса. Осор аҙағына тиклем бер нисә минут ҡалғас, Данил Башкиров пятакта гол моментын булдыра, әммә трактористарҙың ҡапҡасыһы Зак Фукале ышаныслы уйнай.

Икенсе осорҙа өфөләр хәүефле һөжүмдәрен дауам итә. 24-се минутта Иван Дроздов силәбеләр зонаһында көндәшенең хатаһын төҙәтә, шайбаны һайлап ала һәм пятакта голкиперҙы уҙып китә. Хужалар гол индерергә маташа, әммә Александр Самонов Сергей Телегинды зәңгәр һыҙыҡтан айырырға бирмәй. Осрашыуҙың уртаһында силәбеләр икенсе шайбаны индерә һәм тәнәфескә таблоға өҫтөнлөк менән китә.

Һуңғы осорҙа юлаевсы Джош Ливо иҫәпте тигеҙләй. Һуңғы минуттарҙа Николас Мелош Илья Карпухин менән һуғыша. Юлаевсылар күпселектә ҡала. Иван Дроздов күпселекте тормошҡа ашырып, дубль яһай һәм өфөләргә еңеү килтерә. 2:3, "Салауат Юлаев" еңеп иҫәпте тигеҙләне - 2:2. Бишенсе уйын 8 март, "Өфө-арена" боҙ һарайында була. 16.30 башлана.

фото: https://hcsalavat.ru/ 

Автор:Рәзил БИКБУЛАТОВ 
Читайте нас: