Башҡортостан шашкасылары Европа турнирында иң яҡшылары булды

Башҡортостан шашкасылары Европа турнирында иң яҡшылары булды. Башҡортостандан йәш спортсылар Софья Степанова һәм Алина Динисламова шашка-64 буйынса Европа беренселеге еңеүселәре булды. Был хаҡта республиканың спорт министрлығы хәбәр итә.

Софья Степанова 14 йәшкә тиклемге ҡыҙҙар араһында "алтын", "көмөш" һәм "бронза" миҙалдар менән тулы комплектҡа эйә була. Алина Динисламова 9 йәшкә тиклемге ҡыҙҙар араһында беренсе һәм икенсе урындар яулай. Шашка турниры Төркиәлә үтә.

Өҫтәп китәйек, быйыл апрель башында Софья Степанова Мәскәү өлкәһендә үткән йөҙ күҙәнәкле шашка буйынса Рәсәй йәштәр беренселегендә алтын миҙал яулай. Спортсы 17 йәшкә тиклемге йәш категорияһында сығыш яһаны.

Фото: Башҡортостан Спорт министрлығының телеграм-каналы