"Салауат Юлаев" көйәрмәндәрен "Аҡ Барс" менән матчта сағыу дерби көтә

"Салауат Юлаев" 2024/2025 йылдарҙағы КХЛ миҙгеленең беренсе матчында Ҡазандың "Аҡ Барс" командаһы менән осраша. Өйҙәге серияның өс уйынынан беренсеһе буласаҡ осрашыу "Өфө-Арена"ла бөгөн, 5 сентябрь киске сәғәт 7-лә башлана.

Силәбе "Трактор"ы менән сираттағы өй уйыны йәкшәмбе, 8 сентябрҙә, уҙа.

Өсөнсө өй уйыны 11 сентябрҙә Өфөлә “Автомобилист” (Екатеринбург) командаһы менән үтә.

Ике көндән "Салауат" Екатеринбургҡа ҡунаҡҡа барасаҡ, ә тағы ике көн үткәс, 17 сентябрҙә Өфөлә "Авангард" (Омск) менән осрашасаҡ.

Сентябрҙәге ҡалған уйындарҙы өфөләр ситтән тороп үткәрә.