“Өфө-арена” боҙ һарайында бөгөн ҡыҙыу булды

"Салауат Юлаев" 2024/2025 йылдарҙағы КХЛ миҙгеленең өсөнсө уйыны.

“Өфө-арена” боҙ һарайында бөгөн ҡыҙыу булды. Екатеринбург ҡалаһының “Автомобилист” командаһы беҙҙә “ҡунаҡ” иттеләр. Беренсе осорҙың башында юлаевсыларҙың хоккейсылары бер-бер артлы штраф алып өфөлөләр 3-5 уйнанылар. Афарин! Бирешмәнеләр. Осор уртаһында “Салауат Юлаев”тың һөжүмсеһе Джошуа Ливо иҫәпте аса. Тик күп тә үтмәй ҡунаҡтар иҫәпте тигеҙләй.

Икенсе ососрҙа “Салауат Юлаев” алға сыға. Беҙҙең һөжүмсе Александр Шаров командаһын алға сығара. Осор аҙағында юлаевсыларҙың һөжүмсеһе Александр Хмелевский иҫәпте 3:1 итте.

Өсөнсө ососрҙа беҙҙең команда капитаны Григорий Панин тағы бер гол индерә. 4:1. “Автомобилист” бирешергә теләмәй. Икенсе гол индерә. Ләкин юлаевсылар (Александр Шаров) бишенсе мәрәй ала. Уйын ҡыҙғандан ҡыҙа бара. Ҡапҡасылар арыны микән? Екатеринбург команданы күп тә үтмәй тағы бер гол индерә. 5:3 булып китә.

“Салауат Юлаев” көслөрәк булды. 5:3. Ура! Беҙ еңдек!

Киләһе уйын 14 сентябрь буласаҡ. Беҙ Екатеринбург ҡалаһында “Автомобилист” менән осрашабыҙ. 16,30 сәғәттә башлана.