Республикабыҙ спортсылары грэпплинг буйынса донъя чемпионатында өс «алтын» яулан

Башҡортостан спортсылары грэпплинг буйынса өс тапҡыр донъя чемпионы булды, тип хәбәр итте республиканың спорт министры вазифаһын башҡарыусы Руслан Хәбибов.

Өфөнән Алһыу Ғәлиева (тренеры Ислам Иҙрисов) «грэпплинг» һәм «грэпплинг-ги» бүлектәрендә ике тапҡыр чемпион исемен яуланы, Бөрйән районынан Илһөйәр Сәйфетдинова (тренеры Нур Усманов) «грэпплинг» бүлегендә еңеүсе булды.

Башҡортостан спортсылары бөтәһе ете миҙал алды.

Грэпплинг буйынса донъя чемпионаты Астанала 12 октябргә тиклем бара. Унда донъяның 30 иленән 1300-ҙән ашыу спортсы ҡатнаша.

https://www.bashinform.ru/news/sport/2024-10-09/u-sportsmenov-iz-bashkirii-tri-zolota-chempionata-mira-po-grepplingu-3962135