Яҡташыбыҙ Әлиә Мөхәмәтйәнова самбо буйынса донъя беренселегендә иң көслөһө булды

Ларнака ҡалаһында (Кипр) самбо буйынса донъя беренселеге тамамланды. Ярыш кадеттар (14-16 йәш), үҫмерҙәр (16-18 йәш) һәм юниорҙар (18-20 йәш) араһында спорт һәм хәрби самбо буйынса 55 ауырлыҡ категорияһында үтте.

Яҡташыбыҙ Әлиә Мөхәмәтйәнова 50 килограмға тиклемге ауырлыҡ категорияһында тыуған иленең һәм республиканың намыҫын лайыҡлы яҡланы, алтын миҙал яуланы.

Республиканың спорт министрлығынан хәбәр итеүҙәренсә, спортсы ҡыҙ тренерҙар Елена һәм Станислав Орловтар етәкселегендә Николай Гастелло исемендәге спорт мәктәбендә шөғөлләнә.

https://www.bashinform.ru/news/social/2024-10-15/aliya-muhametyanova-iz-bashkirii-stala-luchshey-na-pervenstve-mira-po-sambo-3967608