Бөтә яңылыҡтар
Тирә-яҡ мөхит
15 Октябрь 2019, 15:34

Ҡыш тыны һиҙелә

«Башҡортостанда аҙна уртаһында температураның нулгә тиклем төшөүе, ә ял көндәрендә ҡырау төшөүе бар», — тип хәбәр итә ТАСС «Фобос» һауа торошо үҙәгенең әйҙәүсе белгесе Елена Волосюк.

«Аҙна аҙағында Волга буйы федераль округында ҡыш алдынан була торған һауа торошо урынлашасаҡ. Һауа температураһы уртаса күп йыллыҡ күрһәткестәрҙән яҡынса ике-өс градусҡа түбән булмаҡсы. Шишәмбенән башлап республикала ныҡлап һыуыта башлай, аҙна уртаһында төнгө температураның нулгә яҡын булыуы көтөлә, аҙнаның икенсе яртыһында көндөҙгө сәғәттәрҙә плюс 1-6 градустан артмай, ямғырға епшек ҡар ҙа ҡушыла. Ял көндәрендә төндә 0 — минус 5 градусҡаса һыуыта», — тине Елена Волосюк.