-22 °С
Болотло
75 лет Победы
Бөтә яңылыҡтар
Тирә-яҡ мөхит
17 Октябрь 2019, 13:52

Бейәләй, кәпәс һәм йылы итек кәрәк була

Һауа температураһы түбәнәйә, ҡар ҡатыш ямғыр яуасаҡ. Юлдарҙа боҙлауыҡ һәм томан.

Башгидрометеорология хеҙмәте көндәрҙең һалҡынайтыуын фаразлай. 18 октябрҙә төндә ямғыр, республиканың төньяҡ райондарында ҡар ҡатыш яуыуы көтөлә. Көндөҙ ҙә ямғыр була. Юлдарҙың айырым участкаларында боҙлауыҡ. Һауа температураһы төндә 0,+5, көнсығышта -5-кә тиклем, көндөҙ +5,+10 градус.
19 октябрҙә лә төндә ҡар ҡатыш ямғыр, көндөҙ айырым райондарҙа ямғыр. Юлдарҙа боҙлауыҡ. Ел төньяҡ-көнсығыштан, көнсығыштан талғын. Һауа температураһы төндә +1,-4, аяҙытҡанда -8-гә тиклем, көндөҙ +1,+6 градус.

Ҡышҡы кейем кейергә ваҡыт еткән ахыры. Бейәләй, кәпәс һәм йылы итек кәрәк була.
фото: Тәнзилә Таһирова. Йылайыр районы Һабыр ауылы.