Дипломдамы бәхет?

Ә аҡса һауырға әҙер торған йүнселдәр, вуз өҫтөнә вуз асып, халыҡҡа  юғары белем биреүҙе кәсепкә әйләндереп алды. Шул арҡала хәҙер дипломлы юристар, иҡтисадсылар, менеджерҙар быуа быуырлыҡ, ә инженерҙар, һәр төрлө технологтар етешмәй. Хеҙмәт баҙарын иҫәпкә алмау иҡтисадтың торошона янай.

Дәүләт Думаһы был хәлгә сик ҡуйырға булған: университеттарҙа һәм институттарҙа түләүле урындар һанын көйләү тураһында закон ҡабул иткән. Бынан ары ундай специальностарға күпме кеше алыуҙы властар хәл итәсәк. Гуманитар вуздарҙа һәм факультеттарҙа урындар бик ныҡ кәмер тип көтөлә. Технарҙарға иһә бөтә юлдар асыҡ.