Уҡыусыларға - яһалма аң тураһында

«Школа 21. Башҡортостан» уҡыусыларҙы яһалма аңды ҡулланыу буйынса түләүһеҙ интерактив программаларға һәм оҫталыҡ дәрестәренә саҡыра.  

Программа сараһы эш көндәрендә 1 сәғәтлек экскурсия рәүешендә үтә. Экскурсиялар 12 сәғәттә һәм 14 сәғәттә башлана.

Был дәрестәрҙә уҡыусылар:

яһалма аң мөмкинлектәре менән танышасаҡ;

ЯА-агенттың ҡәҙимге ЯА-моделдән нимә менән айырылыуын аңлаясаҡ;

үҙҙәренең ЯА-агентына бурыс ҡуясаҡ;

уның эш сценарийын төҙөйәсәк;

промпт яҙасаҡ;

GigaChat-та үҙ прототибын йыясаҡ;

 ЯА-агентҡа тест үткәреп, уның тәртибендәге хаталарҙы табасаҡ, кире бәйләнеш нигеҙендә ҡулланманы яҡшыртырға өйрәнәсәк.

Һөҙөмтәлә һәр ҡатнашыусы үҙенең ИИ-агенты идеяһына, диалог сценарийына, система промптына һәм эшләп торған прототибына  эйә буласаҡ.

«Школа 21+» Вуз-ара студенттар кампусында «Йәштәр һәм балалар» милли проекты ярҙамында асылды.

Сығанаҡ: БР мәғариф министрлығы.